طريق الطبيب لجزر المالديف

ده اول بوست اتعمل عن التقديم فى المالديف ارجو يفيدكم ولاحظوا انه بقاله سنتين لكن الخطوط الرئيسية لم تتغير

الناس اللى عمالة تقول بندور على خرم ابرة نطلع بيه من مصر ..غيركم قالها كتير وعند ماجت النعمة رفصها ﻻنها خارج الخليج..فى حد جاد فعلا وﻻ تضييع وقت كالعادة؟ فى جزر المالديف :

ممارس عام

اخصائيين ماستر او دبلومة فى :
****نساء وتوليد ذكور او اناث
**تخدير
**اطفال
*جراحة عامة

**لا يوجد مسمى طبيب مقيم وممكن يكونوا محتاجين تخصص مش مكتوب لكن التخصصات الدقيقة مش موجودة لانها بلد صغيرة جدا مش محتاجاها.

الشروط
- الحصول على دبلومة حديثة , ماستر او دكتوراه
- اجادة اللغة الانجليزية تحدثا وكتابة

- الاوراق المطلوبة " مترجمة للغة الانجليزية وموثقة من الخارجية المصرية "

1- شهادة الكلية الكارتون(يجب ان تكون الترجمة مختومة بختم الجامعة ودى بتتعمل داخل الجامعة اما فى كلية اداب او السن او لغات وترجمة حسب الجامعة)
2-شهادة الامتياز(بتطلع انجليزى عادى)
3-شهادة بان الدراسة فى الكلية باللغة الانجليزية(فى بعض الجامعات مكتوب ان الدراسة بالانجليزية فى شهادة التخرج المؤقتة الانجليزى)
4-تصريح مزاولة المهنة(تاخد معاك صورة الباسبور+صورة الترخيص العربى+صورة شخصية على ادارة التراخيص بالوزارة)
5-شهادة حسن سير وسلوك من النقابة العامة(ممكن الاستغناء عنها بشهادة الاخصائى للاخصائيين)
6-شهادة التخصص من النقابة فى حالة الاخصائي او ما اعلي(بتطلع وانت واقف)
7-شهادة من المديرية بعدد سنين الخبرة (تترجم بادارة الترجمة بالمبنى الجديد بالوزارة وتاخد ختم التوثيق من ادارة التراخيص)
8-شهادة الماستر او الدبلوم كارتون مترجمة(زى التخرج) ممكن اللى عاوز يجرب يبعت الشهادة المؤقتة بس ميكونش مكتوب عليها انها مؤقتة.
9-صورة من الباسبور
10- استمارة طلب تسجيل عضوية بالمجلس الطبى للمالديف يتم طباعتها وملئ البيانات ووضع صورة ثم عمل سكان وارسالها مع الاوراق(ادى رابط الاستمارة 

https://goo.gl/WQxhUw

الورق بيتسحب سكانر بصيغة pdf ويرسل على الايميل

*العمل 48 ساعة(6 ايام 8 ساعات وسطهم ساعة راحة) والاخصائى بيبقى اون كول للطوارىء بس الشغل هادى الا للنسا طبعا.

*الراتب هيجيلك مع عرض العمل لما يتوافق على الورق من المجلس الطبى لكن المتوسط للممارس 1500 دولار والدبلومة 2500 والماستر 3200 ويزيد مع الخبرة قليلا وحاليا ﻻ يوجد اوفر تايم لغير الممارس العام.
*بنود العقد يمكن ان تقوم الوزارة بتغييرها كل فترة.
- الراتب بالعملة المحلية وبيتحول دولار من السوق السودا بخسارة حوالى ٦٪‏ عن سعر البنك والسعر متغير.
..اول 3 شهور اختبار يمكن انهاء العقد باى وقت عن خبرة وبدون مشاكل..الباسبور تسترده بعد انتهاء التأشيرة للعمل بعد الوصول.

..التذاكر بتدفعها وانت جاى وبيردوا جزء حوالى تلتين التمن ولو كملت السنة بيعطوك نفس الفلوس قبل المغادرة.

..مفيش حاجة اسمها مرافق وتذاكر اسرة واولاد واقامتهم كل ده عليك لكن الاقامة مش مكلفة

..اجازة سنوية شهر وفى اجازة طوارىء للاسرة او الامتحانات عادى حوالى 10 ايام غير متضمنة العطلات.

مفيش مدارس انترناشونال الا فى العاصمة وقليل جدا لما حد بيتوزع عليها.

الموضوع ﻻ يتبع مكاتب فقط اجتهاد من المصريين اللى هناك فى محاولة تثبيت ارجلنا و منقدرش برضه نضمن لاى حد وظيفة بمجرد انه خلص ورقه..اللى معندوش روح المغامرة او كبير فى السن وعاوز يدخل اطفال مدارس مفيش الكلام ده هنا

ملحوظة

على فكرة المميزات اقل من الخليج بالنسبة للطيران والاجازة السنوية فاللى هيقارن احسنله ميسألش..المكان ميزته شغل قليل وطبيعة جميلة ومعاملة حلوة.
ويمكن تعرف الوضع فى البلاد القريبة وتكمل فيها مثلا بروناى او ماليزيا..
رجاء من الادمن حذف اى بوست يحتوى على اسئلة غير متعلقة..اللى عاوز يعرف جغرافيا فى جوجل ..

نرجو من الاخوة اللى بيعملوا فى بلاد ليس بها مصريون كثيرون مساعدة اخوانهم اسوة بباقى الجنسيات
ورجاء عدم نقل الموضوع..
انا أسف جدا للاسلوب الخشن شوية لكنى محبط من
تجاربى ووقتى اللى ضاع على الفاضى

المحتوي منقول من جروب  egyptian doctor for maldeves

https://goo.gl/WZNW9Y